शहरात धुडगूस घालणारे माकड जेरबंद.(वनविभागाची कारवाई, नागरिकांना दिलासा)

कोरपना प्रतिनिधी:-

कोरपना शहरात मागील काही दिवसांपासून दोन लाल तोंडी माकडांनी धुमाकूळ घातल्याने नागरिकात भीतीचे वातावरण पसरले होते. वनविभागाच्या कर्मचाऱ्यांनी मोठ्या शिताफीने या माकडांना पिंजऱ्यात जेरबंद करून चपराळा अभयारण्यात सोडले आहे.ही माकडे दररोज कुणाच्याही घरात घुसून मिळेल ते खात होते, नागरिकांच्या अंगावर जाऊन पडत होते, चावा घेत होते,यामुळे नागरिकांमध्ये भीतीचे वातावरण पसरले होते.त्रस्त नागरिकांनी यासंदर्भात वनविभागात तक्रार देऊन समस्या मार्गी लावण्याची विनंती केली.तक्रारीला सकारात्मक प्रतिसाद देत उपवनसंरक्षक यांच्या मार्गदर्शनाखाली वनपरिक्षेत्र अधिकारी अरूणा चौधरी यांच्या नेतृत्वात क्षेत्र सहाय्यक निश्चल धात्रक,वनरक्षक गजानन बोढे,वनपाल बी.के.पेंदोर,आर.आर.युनिटच्या वन कर्मचाऱ्यांनी मोठे प्रयत्न व शिताफीने माकडांना पिंजऱ्यात जेरबंद केले.या माकडांना चपराला अभयारण्यात मुक्त केले असून माकडांना पकडल्याने कोरपनावासीयांनी समाधान व्यक्त केले आहे. शहरात आणखी काही लाल तोंडी माकड वास्तव्यास असून टप्याटप्याने त्यांनाही पकडण्यात येईल,नागरिकांनी त्या माकडांना खायला देऊ नये असे आवाहन वनविभागाने केले आहे.