महासंघ सुतार(झाडे)समाजातर्फे एकदिवसीय विविध कार्यक्रम 28 आॕगस्ट रोजी.

चंद्रपूर:-

भारतीय स्वातंत्र्याच्या अमृत महोत्सवाच्या निमित्ताने आयोजित 'महाराष्ट्र विश्वकर्मा मय सुतार(झाडे )समाज महासंघ' अंतर्गत महासंघ सुतार(झाडे)सखी मंच व महासंघ सुतार(झाडे) युवा मंचच्या वतीने येत्या 28 आॕगस्ट 2022 रोजी 'राज्यस्तरीय गुणवंत विद्यार्थी गुणगौरव सोहळा,सुतार कारागिरी विषयक रोजगार मार्गदर्शन,निबंध स्पर्धा,समाज ज्येष्ठांचा सेवाभुषण सत्कार 2022' चे एकदिवसीय सोहळा 'राजीव गांधी सभागृह(जयंत टॉकीज जवळ मेन रोड चंद्रपूर)येथे आयोजित करण्यात आला आहे.कार्यक्रमाचे उद्‌घाटन संजयजी आ.परसुटकर अधिक्षक जिल्हा व सत्र न्यायलय चंद्रपूर यांच्या हस्ते होणार असून कार्यक्रमाच्या अध्यक्षस्थानी सेवानिवृत्त उप अधिक्षक महाराष्ट्र पोलीस नागपूर वासुदेवराव वांढरे तर सौ. हर्षाताई कि.साखरकर अध्यक्षा सुतार सखी मंच नागपूर,सुरज भा.वनकर प्रो.प्रा.भुमि एम्पायर बिझिनेस प्रा.लि.चंद्रपूर हे प्रमुख अतिथी म्हणून उपस्थित राहणार आहे.

    कार्यक्रमाची सुरूवात नरेंद्र वनकर अध्यक्ष,म.वि.म. सु.स.महासंघ यांच्या हस्ते सकाळी  9,30 वाजता महासंघ ध्वजारोहण, सामुहिक राष्ट्रगीत गायन सकाळी 9,40,प्रभु विश्वकर्मा प्रतिमा,मुर्तीचे शास्त्रोक्त पुजन महेश शास्त्रकार अध्यक्ष म.सु.(झाडे)स.चंद्रपूर यांच्या हस्ते होईल.सोबतच दिपप्रज्वलन रविंद्र बुरडकर अध्यक्ष म.सु.(झाडे)यु.मं व सौ.माधुरीताई शास्त्रकार अध्यक्षा म.सु.स.मं.हे करतील.स्वातंत्र्याच्या अमृत महोत्सव अंतर्गत देशभक्ती गीत गायन, श्रद्धांजली,महासंघ सुतार(झाडे) सेवाभुषण पुरस्कार 2022(मरणोत्तर व विद्यमान),सुतार कारागिरी विषयक रोजगार मार्गदर्शन,स्नेहभोजन,निबंध स्पर्धा, शैक्षणिक गुणगौरव,सेवाभुषण सत्कार,बक्षीस वितरण, देशभक्ती गीतगायन,सांस्कृतिक कार्यक्रम अनुक्रमे पार पडणार असून समाज बांधवांनी बहुसंख्येत व सहपरिवार सामील होऊन कार्यक्रमाचा आनंद द्विगुणित करावा असे आवाहन महासंघ सुतार(झाडे) युवा मंच सदस्य देवा बुरडकर यांनी प्रसिद्धी पत्रकाद्वारे केले आहे.

                       -------//------

                                      'कोरपना LIVE'

                                       मुख्यसंपादक 

                                     सै.मूम्ताज़ अली.