गडचांदूर#Gadchandur.
सरस्वती शिक्षण प्रसारक मंडळद्वारा संचालित गडचांदूर येथील सावित्रीबाई फुले विद्यालय तथा कनिष्ठ महाविद्यालय 'कला विज्ञान व व्यवसाय' या विभागातील सेवानिवृत्त कर्मचाऱ्यासाठी सहपत्नीक भावपूर्ण निरोप व सत्कार सोहळा आयोजित करण्यात आला.कार्यक्रमाच्या अध्यक्षस्थानी सरस्वती शिक्षण प्रसारक मंडळाचे अध्यक्ष डॉ.आनंदराव अडबाले होते तर प्रमुख पाहुणे म्हणून संस्थेचे उपाध्यक्ष तू.ता. पुंजेकर,सचिव ना.शं.बोबडे,सहसचिव वि.मा.उरकुडे, संचालिका श्रीमती उज्वला चांदेकर तसेच गडचांदूर पोलीस स्टेशनचे ठाणेदार सत्यजित आमले,इंग्लिश मीडियम स्कूलच्या प्राचार्या खोडके मॅडम, मुख्याध्यापक धर्मराज काळे,पर्यवेक्षक संजय गाडगे यांची विशेष अतिथी म्हणून उपस्थिती होती.
याप्रसंगी सेवानिवृत्त प्रा.शम्मी खान,प्रा.प्रमोद मारोतराव वांढरे,चंद्रकांत जनार्दन घाटे,गणपतराव भुजंग आत्राम यांचा सहपत्नीक शाल,श्रीफळ, सन्मानचिन्ह व साडीचोळी देऊन सन्मान करण्यात आला.या प्रसंगी सेवानिवृत्त कर्मचाऱ्यांनी संस्थेविषयी कृतज्ञतापुर्ण भावना व्यक्त केल्या.यावेळी त्यांचे अंतःकरण गहिवरून आले होते.
सेवानिवृत्त कर्मचाऱ्यांनी सामाजिक बांधिलकी जोपासावी,आपले उर्वरित आयुष्य समाजाच्या हितासाठी व विद्यार्थ्यांच्या प्रगतीसाठी कसे घालवता येतील याचा विचार करावा व संस्थेला,शाळेला जेव्हा, जेव्हा गरज पडेल तेव्हा,तेव्हा आपण सहकार्य करावे असे विचार अध्यक्षांनी कार्यक्रमाच्या अध्यक्षस्थाना वरून बोलताना व्यक्त केले.उपस्थित मान्यवरांनी सेवानिवृत्त कर्मचाऱ्यांच्या कार्याचा गुणगौरव करत त्यांना दीर्घायुष्याच्या शुभकामना दिल्या.तसेच समाज ऋणाची परतफेड करण्याचा विचार करावा हा मोलाचा संदेशही दिला.शिक्षक हा जन्मभर विद्यार्थी असला पाहिजे असे विचार ठाणेदार आमले यांनी यावेळी बोलताना व्यक्त केले.
मुख्याध्यापक काळे यांनी विद्यालयाच्या प्रगतीसाठी त्याग,निष्ठा,समर्पण व परिश्रम सर्व कर्मचाऱ्यांनी अंगीकृत करावे असे विचार व्यक्त केले.संचालन सेवा जेष्ठ शिक्षक महेंद्र कुमार ताकसांडे,प्रास्ताविक पर्यवेक्षक संजय गाडगे तर आभार कु.ज्योती चटप यांनी मानले.कार्यक्रमाच्या यशस्वीतेसाठी विद्यालयातील तसेच कनिष्ठ महाविद्यालयातील सर्व शिक्षक,शिक्षकेत्तर कर्मचार्यांचे मोलाचे सहकार्य लाभले.
-------//------
'कोरपना Live' मुख्यसंपादक,सै.मूम्ताज़ अली.
0 टिप्पण्या