चंद्रपुरातुन जेरबंद वाघाचा नागपुरात मृत्यू.A captive tiger from Chandrapur died in Nagpur.

नागपूर:-@Tiger...!

      सावली वनपरिक्षेत्रातील व्याहाड उपवनक्षेत्रातील सामदा भागात धुमाकूळ घालत शेतकऱ्याच्या नरडीचा घोट घेणाऱ्या वाघाला 4 जानेवारीला जेरबंद करण्यात आले होते.दुसऱ्याच दिवशी पुढील देखभालीसाठी गोरेवाडा येथील वन्यप्राणी बचाव केंद्रातील Gorewada Wildlife Rescue Centre वन्यजीव संशोधन व प्रशिक्षण केंद्रात आणण्यात आले होते. गोरेवाडा येथील वन्यप्राणी चिकीत्सालयातील पशुवैद्यकीय अधिकारी यांच्या देखरेखीत ठेवण्यात आले होते.उपचारादरम्यान शुक्रवारी 13 जानेवरी रोजी सायंकाळच्या सुमारास अचानक त्याची प्रकृती खालवली.तातडीने त्याच्यावर उपचार करण्यात आले. मात्र त्याचा मृत्यू झाला Tiger died.त्याच्या मृत्युचे नेमके कारण अस्पष्ट असून शवविच्छेदन अहवालातून नेमके कारण स्पष्ट होऊ शकणार आहे.नियमानुसार गोरेवाडा वन्यजीव संशोधन व प्रशिक्षण केंद्र परिसरातील दहनगृहात दहन करण्यात आले.

   सुमारे 3 वर्षांच्या या नर वाघाने काही दिवसांपासून परिसरात दहशत माजवली होती.एका शेतकऱ्याचा बळी सुद्धा घेतला होता.त्यानंतर वन विभागाच्या पथकाने बेशुद्ध करीत व्याहाड बुज कॅनल परिसरातून त्याला जेरबंद केले होते.गोरेवाडा केंद्रात वन्यप्राणी चिकीत्सालयातील पशुवैद्यकीय अधिकाऱ्यांच्या देखरेखीत ठेवण्यात आले होते.तो नियमितपणे अन्नसुद्धा खात होता.परंतु,शुक्रवारी अचानक आजारी पडला.त्यामुळे वन्यप्राणी चिकीत्सालयातील पशुवैद्यकीय अधिकाऱ्यांनी त्याच्यावर उपचार सुरू केले.सायंकाळी आंदाजे 6 वा.च्या सुमारास उपचारादरम्यान मृत्यू झाला.गोरेवाडा वन्यप्राणी बचाव केंद्रा अंतर्गत असलेल्या वन्यजीव संशोधन व प्रशिक्षण केंद्रातील वन्यप्राणी चिकीत्सालयात राष्ट्रीय व्याघ्र संवर्धन प्राधिकरणाच्या प्रचलित कार्यपद्धतीनुसार शवविच्छेदन पूर्ण करण्यात आले.यावेळी केंद्राचे उपसंचालक,नागपूर पशुवैद्यकीय महाविद्यालयातील रोगनिदान शास्त्र विभागाचे सहाय्यक प्राध्यापक, विषयतज्ज्ञ डॉक्टर,पशुधन विकास अधिकारी उपस्थित होते.संचालक,मुख्य वन्यजीव रक्षक व प्रधान मुख्य वनसंरक्षक यांच्या समक्ष शवविच्छेदनाची संपूर्ण प्रक्रिया पार पाडण्यात आली.शवविच्छेदनानंतर वाघावर परिसरातील दहनगृहात दहन करण्यात आले. यावेळी गोरेवाडा प्रकल्पाचे विभागीय व्यवस्थापक, सहाय्यक वनरक्षक,वनपरिक्षेत्र अधिकारी आदींची उपस्थिती होती.

Samada area of the Vyahad sub-forest zone in the Savali forest zone...

                       ---------//--------

मुख्य संपादकसै.मूम्ताज़ अली.

मो.9049358699,9595630811.