घरफोडीतील आरोपीला 24 तासाच्या आत अटक.

चंद्रपूर:-News@LCB... 
         रात्रीच्या सुमारास गस्तीवर असतांना येथील विठ्ठल मंदिर वार्ड येथील साहिल उर्फ माट्या आंबेकर नामक रेकॉर्ड वरील गुन्हेगार हा फुले चौकातील सिस्टर कॉलनी येथे संशयास्पद स्थितीत फिरत असल्याची माहिती एका खबरीकडून मिळाली असता स्थानिक गुन्हे शाखेची टीम सदर ठिकाणी पोहचून त्याला ताब्यात घेऊन पंचासमक्ष अंगझडती घेतली.तेव्हा पँटच्या खिशात 6 हजार रोख रक्कम मिळाली. रकमेबद्दल सखोल व बारकाईने विचारणा केली असता "काल रात्रो जयराज नगर शिवसाई मंदिर जवळ मी आणि अष्टभुजा वार्ड येथील माझा मित्र धर्मेंद्र उर्फ धर्मा खोब्रागडे सोबत एका घराचे कुलूप तोडुन 45 हजार रूपये चोरी केली.10 हजार मित्राला दिले,4 हजार खाण्या पिण्यात खर्च केले व उर्वरित रक्कम त्या मित्रा जवळच आहे" असे पंचासमक्ष त्यांनी सांगितले.मिळून आलेली रोख रककम जप्त करून याच्याविरोधात संबंधित कलमान्वये गुन्हा दाखल करण्यात आला असून दुसर्‍याचा शोध सुरू आहे.स्थानिक गुन्हे शाखा LCB ने 24 तासाच्या आत घरफोडीतील आरोपीला अटक करून रामनगर पोलीसांच्या ताब्यात दिले आहे.Local crime branch, Chandrapur, arrested the accused who burglarized the house at night within 24 hours.

            सदरची कारवाई मा.पोलीस अधीक्षक, मा.अप्पर पोलीस अधीक्षक यांच्या मार्गदर्शनात स्थानिक गुन्हे शाखेचे पो.नि.महेश कोंडावार यांच्यासह स्थानिक गुन्हे शाखा पथकाचे सपोनि जितेद्र बोबडे,पो.हवा.संजय आतकुलवार,नापोशि संतोष येलपुलवार,पोशि.रविंद्र पंधरे,कुंदनसिंग बावरी,नितीन रायपुरे,प्रांजल झिलपे,गोपाल आतकुलवार,नरेश डाहुले यांनी केली आहे.
Local crime branch,Chandrapur,arrested the accused who burglarized the house at night within 24 hours...
                    ----------//---------
                  
                   मुख्यसंपादक
                 सै.मूम्ताज़ अली.
  मो.9049358699,9595630811.