राजूरा तालुक्यातील साखरी गावात हर्षा कंपनी प्रा.लिमिटेड कार्यरत असून या कंपनीत साधारण 400 कामगार काम करीत आहे.सदर कंपनीने स्थानिक भूमिपुत्रांना डावलून परराज्यातील युवकांना रोजगार दिला.हा स्थानिक भूमिपुत्रांवर अन्याय असून स्थानिकांना 80 टक्के रोजगारात घेण्यात यावे,अशी मागणी वंचित बहूजन आघाडी जिल्हाध्यक्ष भूषण फुसे यांच्या नेतृत्वात हर्षा कंपनी व्यवस्थापनाकडे निवेदनाद्वारे करण्यात आली आहे.हर्षा कंपनी हे,राजुरा तालुक्यातील साखरी येथे कार्यरत असून या कंपनीत जवळ जवळ 400 लोक काम करतात. स्थानिक साखरी व राजुरा परीसरातील हर्षा कंपनीने स्थानिकांना डावलून परराज्यातील लोकांना रोजगार दिल्याच्या अनेक तक्रारी वंचित बहूजन आघाडी जिल्हाध्यक्ष फुसे यांना प्राप्त झाल्या.हा स्थानिक बेरोजगार भूमिपुत्रांवर घोर अन्याय असून याचा वंचित बहूजन आघाडीतर्फे जाहीर निषेध करण्यात आला.हर्षा कंपनी सारख्या मिट्टी कंपनीमुळे या परिसरात वायु प्रदुषण,ध्वनी प्रदुषण व पाणी दुषित होते,तसेच रस्त्यांची दुर्वस्था झाली असून अपघाताचे प्रमाणात वाढ झाली,घरांना ब्लॉस्टिंगचे हादरे बसतात,अशा अनेक समस्यांचा स्थानिक लोकांना नाहक त्रास होत आहे.हा त्रास स्थानिक भूमिपुत्रांना सहन करावा लागत असून स्थानिक कंपन्यामध्ये रोजगारावर प्रथमहः स्थानिक भुमिपुत्रांचा अधिकार आहे.रोजगारामध्ये 80 टक्के आरक्षण स्थानिक भूमिपुत्रांना देण्यात यावा,असा राज्य सरकारचा नियम असतांनाही सदर कंपनीने नियम डावलले.हर्षा कंपनीने साखरी व राजुरा परिसरातील स्थानिक भूमिपुत्रांना 72 तासात रोजगार उपलब्ध करून द्यावा,अन्यथा वंचित बहुजन आघाडी व स्थानिक नागरिक रस्त्यांवर उतरून तिव्र आंदोलन करणार असल्याचा इशारा हर्षा कंपनी व्यवस्थापनाला देण्यात आला आहे.सदर मागणीची प्रत राज्याचे मुख्यमंत्री,उपमुख्यमंत्री,जिल्हाधिकारी चंद्रपुर, पोलिस अधिक्षक चंद्रपुर,उपविभागीय पोलीस अधिकारी राजुरा,क्षेत्रिय महाप्रबंधक वेकोली, बल्लारपुर एरिया,सब एरिया मॅनेजर वेकोली पवनी 2,जनरल मॅनेजर हर्षा कंपनी प्रा.लि., पोलीस निरिक्षक राजुरा यांना देण्यात आली आहे.यावेळी जिल्हाध्यक्ष भूषण फुसे यांच्यासह रामदास चौधरी,साखरी व परिसराच्या गावातील बेरोजगार युवकांची मोठ्यासंख्येने उपस्थिती होती.
Give employment to the local Bhoomiputras..
---------//--------
मुख्य संपादक
सैय्यद मुम्ताज़ अली.
मो.9595630811,9049358699.
0 टिप्पण्या